Hive, HIVE, hive eða bara " "?

Já ég er með nettengingu hjá Hive. Var búið að vera fínt hingað til. Man reyndar ekki hvað ég er búinn að vera með hana lengi en það er eflaust að slaga í 2 ár núna. Aldrei hef ég verið eins óánægður með þjónustuna hjá þeim og akkúrat þessa dagana. Þetta byrjaði nú allt hjá mér þegar ég gerðist svo sparsamur að skipta úr venjulegum síma yfir í heimasíma frá Hive. Það ævintýri tók 5 vikur að gerjast þangað til menn voru sáttir með nýja búnaðinn og virknina í símanum. Þá fór að bera á öðru og enn meira vandamáli. Nethraðinn fór minnkandi og nú er svo komið að á kvöldin þá er dl hraðinn einungis 70kb/s yfir NNTP protocol þegar hann var venjulega 1200kb/s. Það þekkja það allir nú til dags að þegar nýju sjónvarpsþátturinn þinn er kominn á netið þá geturu stólað á það að horfa á hann með mestalagi 30 mín fyrirvara. Að bíða í 30 klukkutíma er bara hreint út sagt ÖMURLEGT. Ég hef talað við Hive út af þessu og í fyrstu þá vildu þeir ekki meina að neitt væri að hjá þeim. Svo þegar ég heyrði af þessu sama vandamáli hjá félaga mínum og fór að prófa mig áfram með hluti þá komst ég að því að Hive er að skrúfa hraðann niður í ekki neitt vísvitandi. Semsagt skerða þá þjónustu sem fólk er að borga fyrir. Ég er orðinn svo fúll yfir þessu og varð "stíma" svolítið. Hef talað við þá aftur og þeir viðurkenna að þeir séu í vandræðum með utanlandsbandbreiddina sína og því skerða þeir alla traffík sem heitir ekki HTTP eða netleikir á háannatíma. Semsagt 75% af sólarhringnum. DRULLIST TIL AÐ KOMA YKKUR Á FARICE NÍSKU ANDSKOTARNIR YKKAR!!!!!!! Það ótrúlega er að í gærkvöldi þegar ég talaði við þjónustuverið hjá þeim þá sagði drengurinn sem ég ræddi við einmitt ekki geta mælt með Hive við neinn mann vegna þess hve netið er búið að vera lélegt hjá þeim undanfarið. Þetta voru hans orð, ekki mín. Þegar starfsmaður fyrirtækis getur ekki mælt með þjónustu eigins fyrirtækis þá er einungis um tvennt að ræða. Hann fær ekki nógu mikið í laun eða þjónustan er bara virkilega svona slæm.

Læt þetta vera nóg í bili 

Til hamingju með 50 árin!

Það er nú aldeilis búið að vera viðburðaríkur dagur. Ég vaknaði upp úr kl 9 í morgun en þá vaknaði einmitt litla stelpan mín líka. Það var nú samt frekar seint fyrir hana. Hún er vön að vakna upp úr kl 7 en í gærkvöldi þá fór ég að sofa tæplega 2 eftir að hafa spilað Portal í einhvern tíma með Gísla bróðir. Emelía var þá kominn fram og vildi hún bara fara að leika í nýja eldhúsinu sínu. Það var ekki auðvelt að koma henni í rúmið en það gekk samt á endanum. Semsagt í dag var barnaafmæli hjá Hafdísi Ernu frænku og svo fimmtugsafmæli hjá pabba gamla. Ég er reyndar lentur núna í ágætum samræðum með Gísla, Rósu og Níelsi frænda svo ég ætla að klára þetta blog seinna....já Níels frændi kom seinast í heimsókn fyrir 14 árum síðan.SURPRISE!!!!