Hendum náttúrunni í ruslið - INN MEÐ ÁLIÐ!!!

Til að mæta sívaxandi orkuþörf álveranna þá tel ég best að klára dæmið eitt skiptið fyrir öll.

Hendum upp kjarnorkuveri á Íslandi. Þá sleppa allar árnar og dalirnir við drullusvaðið sem annars biði þeirra. Best væri að finna staðsetningu sem er ekki of langt frá byggð svo ekki þyrfti að raska enn meiri náttúru undir tjörumengandi akvegi. Heiðmörk kæmi til greina þar sem það er þegar skógi vaxið og vel til þess fallið að fela kjarnkljúfakvikyndið. Stjórnvöld myndu þá spara aurinn og árin sem annars færu í uppgræðslu. Jú einhverjir myndu segja að mengun frá kjarnorkuverinu myndi drepa trén en HEY! erum við eitthvað að spá í framtíðina hér eða hvað? Leggjum þetta fyrir nefnd sem kemur saman á 2 ára fresti, gerum ráð fyrir að hún samþykki þetta athugasemdalaust (sem auðvitað hún myndi aldrei gera) og hefjum framkvæmdir strax. Þegar framkvæmdir eru komnar á það stig að ekki er aftur snúið þá segir nefndin okkur að þetta sé kolólöglegt en þar sem verkið er löngu hafið þá fáum við bara klapp á bakið.

Sumir segja að álvinnsla sé umhverfisvænust hér á landi. Borið saman við hverja? Ef við berum það saman við annan iðnað á Íslandi þá er þetta skaðvænlegasta iðngrein sem um getur með hliðsjón af öllum umhverfisspjöllunum sem hlutust vegna virkjana í beinum tengslum við hin og þessi álver.

Það er sífellt verið að tala um hversu mikið atvinnuboost þessi álver eru en ég vil meina að ef fólk legði jafnmikla vinnu og dugnað í að promota aðrar iðn/tækni/hugvitsgreinar þá gæti það komið upp fleiri stöðugildum og mikið meiri hagnað borið saman við álver.

Mér sárnar mest hversu mikið fólk keppist við að fá alltaf eins og náunginn. Reyðafjörður fékk álver, auðvitað er það þá sjálfsagt að Húsavík fái eitt líka og þar sem þeir vilja álver þá er það bara spursmál hvenær en ekki hvort Reykjanesbær fái sitt álver. Það er vaðið út í djúpulaugina og spurt svo eftirá hvort eigi að taka kút með sér.

****

Ég ætla ekki að sverja af mér staðreyndar/stafsetningarvillur eða á annan hátt pirra mig yfir athugasemdum tengdum þessu bloggi. Ég vil bara að fólk stoppi og skoði heildarmyndina.

Bitist um stækkun í Helguvík